SAILKAPEN ESTROPADA 2024/08/29, 18:00
20 talde ginen bi taldeetan banatuta Kontxa 2024 jokatzeko zeuden 7 txarteletako bat lortzeko; 13 etxerako bidean jarriko ziren. Eguerdiko 12etako ordezkarien bileran 16garren postuan estatxa askatuko genuela erabaki zuen zozketak.
Egun lainotuan itsas behera eta marea hilak tokatu ziren, olatuak metrora ez ziren iristen, arraun egiteko baldintza gozoak. Lan erdiak eginda ziaboga oso zabal batekin 6 segundutako abantailarekin zen gure taldea bigarrenekiko. Helmugan denborarik onena markatu zuten 11 minututik jeitsi zen talde bakarra izan zelarik.
ETE Ligako taldeek hortzak erakutsi zituzten eta estu hartu Euskotren Ligako talde batzu sailkapena hankaz gora jarriaz. Sailkapenaren ordenari jarraituz, Kontxarako txartela lortutako 7 taldeak : Donostia Arraun Lagunak, Tolosaldea, Astillero, Chapela, Hibaika, Kaiku eta Orio.
