Arraun Lagunakek lehen kolpea jo du Zarautzen eta Ikurriñaren lehen jardunaldia irabazi du

Arraun Lagunakek lehen kolpea jo du Zarautzen

Donostia Arraun Lagunakek lehen urratsa eman du 2025eko Euskotren Ligako XVII. Zarauzko Ikurriña eskuratzeko, Zarauzko uretan jokatutako bi jardunaldietako lehenengoan nagusitu ondoren. Sailkapeneko liderrak kronoa 10:36.14an gelditu du eta hamar segundo atera dizkio Tolosaldeari, ikurriñaren konkista oso bideratuta utziz igandeko mangari begira.

Jaun eta jabe irteeratik

Arraun Lagunak jaun eta jabe izan da hasieratik. Orio, ohi baino ahulago, ez da inongo unetan egon garaipenagatik lehiatzeko moduan, eta Tolosaldea izan da arerio zuzena: azken ziabogatik irtetean segundo bakar batera jartzera iritsi da, lehia oso zabalik zegoela. Baina 300 metro falta zirenean, traineru donostiarrak gordeta zeukan guztia eman du eta Tolosaldea atzean uzten joan da, hamar segundoko aldea egin arte. Lehen tandan, oso berdinduan, Donostiarra nagusitu da Astilleroren, Hondarribiaren eta Hibaikaren aurretik; azken luzean erritmoa estutu badute ere, ezin izan dute haren garaipena eragotzi.

Emaitza (1. jardunaldia)

🥇 Arraun Lagunak — 10:36.14
🥈 Tolosaldea — 10,52 s-ra
🥉 Orio — 22,74 s-ra

Estropadaren sailkapen ofiziala

#	Kluba	Denbora	Dif.	Pts
1	Arraun Lagunak	10:36.14	—	8
2	Tolosaldea	10:46.66	+10.52	7
3	Orio	10:58.88	+22.74	6
4	Zumaia	11:01.04	+24.90	5
5	Donostiarra	11:01.48	+25.34	4
6	Astillero	11:04.14	+28.00	3
7	Hondarribia	11:04.32	+28.18	2
8	Hibaika	11:05.86	+29.72	1

Arraun Lagunaken tripulazioa

Arraun Lagunaken deialdia, Juan Mari Etxabe entrenatzaile eta Joana Halsouet kapitain. Tripulazioa osatu zuten: Jule Arkotxa, Nahikari Azkue, Aiora Belartieta, Lucia Canal, Zuberoa Egurrola, Maren Etxabe, Lorea Etxabe, Joana Halsouet, Marcia Rosalia Larrea, Naiara Martin, Ania Perez, Beatriz Piñeiro, Ane Sanchez eta Xubane Arantza Uribarrena. Haien artean, Aiora Belartieta, Lucia Canal eta Naiara Martin harrobikoak.

Ordezkoak: Maider Bereau, Ane Diaz, Udane Goenaga, Naroa Landa.